Жоғары жылдамдықты магистральдарге арналған рельстер өндірісін игерумен қатар, Кәсіпорында пішінді илектің сұрыпталымын игеру белсенді жүргізілуде. Ағымдағы жылдың ақпан айында Кәсіпорын ыстықтай иленген қоставрлы болат арқалық №30 өндірісін игерді. Өнім халықаралық стандарттардың барлық талаптарына сәйкес келеді және МемСТ 8239-89, МемСТ 535-2005 сәйкес шығарылады.
10-13 қараша аралығында Мәскеу қаласындағы ВДНХ-да (Халық шаруашылығы жетістіктері көрмесі) 26-шы халықаралық «Металл-Экспо-2020» өнеркәсіптік көрмесі өтті.
Көрме жетекші металлургиялық компанияларды, құбырлық және металл бұйымдары зауыттарын, түсті металдар мен қорытпаларды өндірушілерді, металл трейдерлерін, сервистік металл орталықтарды, сондай-ақ металл өнімдерінің негізгі тұтынушыларын біріктірді.
Қазақстан Республикасы Үкіметінің қаулысымен бекітілген Жекешелендірудің 2016-2020 жылдарға арналған кешенді жоспарына сәйкес «Самұрық-Қазына» компаниялар тобы «Ақтөбе рельс-арқалық зауыты» ЖШС (әрі қарай – «АРБЗ» ЖШС) Жарғылық капиталындағы қатысу үлесін сату бойынша жұмыс жүргізді.
«Көлік технологиялары» ЖШС тікелей мақсатты сату арқылы «Ремлокомотив» АҚ компаниясынан «АРБЗ» ЖШС жарғылық капиталындағы қатысу үлесінің 30% сатып алды.
«АРБЗ» ЖШС-ін мемлекеттік қайта тіркеуі жүзеге асырылды.
Ақтөбе рельс-арқалық зауытында 2020 жылдың соңына дейін 50 мың тонна көлемінде «Ресей темір жолдары» ААҚ қажеттіліктері үшін ДТ350 санатындағы Р65 типті рельс илегі басталды. Естеріңізге сала кетейік, «Ресей темір жолдары» ААҚ әлемдегі ең ірі үш теміржол компаниясының бірі, оның темір жолдарының жалпы ұзындығы 85,6 мың шақырымды құрайды. Жеткізілетін рельстердің көп бөлігі ұзындығы 100 метр болады және Ресей Федерациясының теміржолдарын жөндеу кезінде қолданылады.
«Ақтөбе рельс-арқалық зауыты» ЖШС ДСТУ 4344:2004 бойынша шығарылған 1 санатты Р65 типті теміржол рельс өндірісін игерді. Осы жұмыстардың нәтижесінде ағымдағы жылдың наурыз айында сәйкестік сертификаты алынды, оның болуы Украина аумағында рельстік өнімді сатуға қажетті шарт болып табылады. Бұл өз кезегінде кәсіпорын мен Қазақстан Республикасының экспорттық әлеуетін арттыруға ықпал етеді.
