Ақтөбе рельс-арқалық зауытында Ақтөбе қаласы әкімдігінің ақпараттық-түсіндіру тобының мүшелерімен кездесу өтті. Осы іс-шара жұмыскерлердің діни сауаттылығын арттыруға, деструктивті ағымдардың алдын алуға және қоғамдағы тұрақтылықты нығайтуға бағытталады.

Киберқауіпсіздік мәселеріне ерекше назар аударылды: Ақтөбе облысы полиция департаментінің кибер қылмысқа қарсы іс-қимыл басқармасының қызметкерлері интернет-алаяқтың алдын алу тақырыбында дәріс өткізді. Қатысушылар желідегі ең көп тараған алдау тәсілдерімен танысып, жеке мәліметтерді қорғау бойынша практикалық кеңестер алды.

Осындай кездесулер – «АРБЗ» ЖШС-нің қауіпсіз әрі жайлы жұмыс ортасын қамтамасыз ету, сондай-ақ ұжымның хабардарлығын арттыру бойынша жүйелі жұмысының бір бөлігі.