2023 жылдың қазан айында «Ақтөбе рельс-арқалық зауыты» ЖШС жоғары, тарихи белеске жетті – зауыт іске қосылғаннан бастап 1 млн. тонна рельстік өнім шығарылды, бұл шамамен 8 000 км темір жолды құрайды. Осы айтулы оқиғамен «АРБЗ» ЖШС ұжымын шын жүректен құттықтаймыз.
Іс-шараны Қазақстан Республикасының Өнеркәсіп және құрылыс министрлігі мен Ресей Федерациясының Өнеркәсіп және сауда министрлігі ұйымдастырды.
ИННОПРОМ.ҚАЗАҚСТАН іскерлік бағдарламасының негізгі іс-шарасы Қазақстан, Ресей, Беларусь және Қырғызстан үкіметтерінің басшылары қатысқан «Жаңа заманның өнеркәсіптік стратегиялары» басты пленарлық сессиясы болды.
Сондай-ақ, INNOPROM.QAZAQSTAN барысында өнеркәсіпті цифрландыру, машина жасау саласында кооперация, ірі қалаларға арналған технологиялар, энергетикаға арналған технологиялар және халықаралық ынтымақтастық тақырыптары бойынша бірқатар мамандандырылған сессиялар өтті. Қатысушы елдердің компаниялары арасында ынтымақтастық туралы меморандумдар мен келісімдерге қол қойылды.
2022 жылы «Ақтөбе облысының кәсіпкерлер палатасы», «Ақтөбе рельс-арқалық зауыты» ЖШС және «Ақтөбе өнеркәсіптік технологиялар және басқару колледжі» МКҚК арасында Кәсіпорынды білікті мамандармен қамтамасыз етуде және оның кадрлық әлеуетін арттыруда, сондай-ақ оқу орындарының кәсіптік бағдарлау жұмысын ұйымдастыруда тікелей және өзара тиімді ынтымақтастық орнату мақсатында үшжақты меморандум жасалды. Ағымдағы жылдың қыркүйек айында «Ақтөбе рельс-арқалық зауыты» ЖШС аумағында «Ақтөбе өнеркәсіптік технологиялар және басқару колледжі» МКҚК білім алушыларына экскурсия ұйымдастырылды. Қауіпсіздік техникасы бойынша өткізілген нұсқамадан кейін студенттерге рельс арқалық цехында рельс өнімдерін өндіру процесі көрсетілді.
Жыл сайын Қазақстанда оқу жылы қарсаңында «Мектепке жол» қайырымдылық акциясын өткізу дәстүрге айналды. Осы республикалық акция аясында «АРБЗ» ЖШС Кәсіподақ комитеті №47 орта мектептегі аз қамтылған және көп балалы отбасыларынан шыққан 10 оқушыға көмек көрсетті: осы балаларға мектеп рюкзактары мен оқу құралдары сатып алынды. Әр сөмкеде білім алып және оқуда озат болуы үшін қажет нәрсенің бәрі бар. Кәсіподақ комитетінің мүшелері балаларға рюкзактарын тапсырып, жаңа оқу жылына толағай табыстар тілеп, ізгі тілектерін білдірді. «АРБЗ» ЖШС қызметкерлерінің балалары да назардан тыс қалған жоқ. Құрылымдық бөлімшелерден келіп түскен мәліметтер бойынша биылғы жылы 60-тан астам бүлдіршін алғаш рет мектеп табалдырғын аттайды. Осындай айтулы оқиғаны ескере отырып, АРБЗ Кәсіподақ комитеті бірінші сыныпқа баратын оқушыларды құттықтап, олардың ата-аналарына 1 балаға 20 000 теңге көлемінде ақшалай қаражат түрінде көмек көрсетуді
Көрменің басты тақырыбы – «Тұрақты өндіріс: жаңарту стратегиясы».
Көрменің негізгі бөлімдері: цифрлық өндіріс, көліктік машина жасау, металл өңдеу, энергетикаға арналған технологиялар, компоненттер өндірісі, жаңа материалдар, автоматтандыру және робототехника, ақпараттық-коммуникациялық технологиялар, медициналық жабдықтар мен фармацевтика, қалаларға арналған технологиялар.
Салтанатты жиынның шымылдығы «АРБЗ» ЖШС Бас директоры Евгений Александрович Нестеренко пен Кәсіподақ комитетінің төрағасы Ақниет Нағиұлы Алданазаровтың жүрекжарды құттықтау сөздерімен ашылды. Олар Кәсіпорынның барлық қызметкерлерін төл мерекелерімен құттықтап, зауытымыздың алғашқы күндерінен бастап оның қалыптасуы мен дамуына қосқан үлесі үшін бір топ қызметкерлерге алғыс хаттар мен атаулы мүсіншелер табыс етті. Еңбегі еленген қызметкерлердің арасында біздің зауыттың ардагері – Марс Тургалиевич Утегенов болды, ол біздің бірегей кәсіпорынның құрылысы кезінде болған қызықты оқиғалармен бөлісті.
Қалыптасқан дәстүр бойыншакәсіби мерекеге орай «АРБЗ» ЖШС-нің қызметкерлері ҚР Индустрия және инфрақұрылымдық даму министрлігінің «ЕҢБЕК ДАҢҚЫ» төсбелгісімен марапатталды. Осындай құрмет белгісіне біздің кәсіпорынымыздың дамуына қосқан баға жетпес үлесі үшін 3 қызметкер ие болды. Аталған III дәрежелі «ЕҢБЕК ДАҢҚЫ» төсбелгілерін техникалық директор Александр Александрович Нестеренко мен өндіріс бойынша директор Антон Сергеевич Педер салтанатты түрде табыс етті.
Мерекені қаланың үздік шоумендері – Нұртуған мен Батыр жалғастырды. Олар қызметкерлерге спорттық жарыстар, эстафеталар жүргізіп қана қоймай, іс-шараға жиналған қауымның көңіл-күйін көтерді.
Балаларға қызықты бағдарлама дайындаған «Сюрприз+» аниматорлық агенттігі «мынау қандай сусын? қорапта не бар?» сияқты қазіргі таңда танымал конкурстармен бастады. Одан басқа да түрлі жарыстар өткізілді. Балалардың беттеріне агвагрим салынды, соңында оларға холли бояуларымен дискотека ұйымдастырылды. Кәсіподақ кішкентай қонақтарымызға тәтті балмұздық табыс етті.
«АРБЗ 10 жыл» деген атаулы безендірілген тортқа тапсырыс берілді. Фуршеттегі барлық қызметкерлер десерттің дәмін татты, сондай-ақ «Zhety Kazyna» демалыс базасындағы аспазшылары дайындаған дәмі тіл үйретін палауды жеп, таза ауда сергіп қайтты. Іс-шара тимбилдинг қатысушыларына олардың алған орындарына сәйкес бағалы сыйлықтар табыстаумен аяқталды.
Астана қаласында жыл сайынғы ERG Supplier Award премиясы өтті. 25 қазақстандық және шетелдік өнеркәсіптік жабдықтарды өндірушілер, сонымен қатар қызмет көрсетушілер Халықаралық өнеркәсіптік топтың марапаттарына ие болды.
«Ақтөбе рельс-арқалық зауыты» ЖШС – «Рельс-арқалық өнімі» санатындағы «Үздік жабдықтаушы» номинациясы бойынша марапатталды.
2019 жылдың 10-шы қазанында тұңғыш рет елімізде Кәсіподақтар күні ресми түрде аталып өтті. Осыған байланысты 10 қазан – Қазақстан Кәсіподақтары күні қарсаңында Ақтөбе облыстық аумақтық кәсіподақтар орталығының ұйымдастыруымен салтанатты шара өтті. Салтанатты жиынға аймақ басшысы Ералы Тоғжанов қатысып, кәсіподақ қозғалысының дамуына сүбелі үлесін қосып жүрген азаматтарды марапаттады.
Ақтөбе облысының әкімі Ералы Тоғжанов кәсіподақ өкілдерін кәсіби мерекелерімен құттықтап, үздік еңбеккерлерді алғыс хатпен марапаттады. «Ақтөбе рельс-арқалық зауыты» ЖШС Кәсіподақ комитетінің дамуына қосқаны зор үлесі мен көп жылдар бойы атқарған адал қызметі үшін осындай облыс әкімінің алғыс хатын біздің қызметкеріміз Попова Инна Юрьевна алды.
Мерекелік жиында Ақтөбе облысы кәсіподақтар орталығы аумақтық бірлестігінің төрағасы Алтынбек Әмірғалиев атқарылған жұмыс туралы баяндап, кәсіподақ белсенділеріне алғыс хат тапсырды. Марапатқа ие болғандардың қатарында біздің зауытымыздың қызметкерелері де бар, атап айтқанда Алданазаров Акниет Нагиевич, Таджимова Айгерим Амангельдыевна және Алькенова Сауле Жумабековна.
Еңбектері елеңген барлық әріптестерімізді шын жүректен құттықтаймыз!
2022 жылғы қыркүйек айында Германия Федеративтік Республикасында Берлин қаласында, Berlin Expo Center City (Messe Berlin) аумағында «Теміржол технологиялары», «Теміржол инфрақұрылымы», «Қоғамдық көлік», «Интерьерлер» және «Тоннельдер салу» бес көрме сегменттеріне бөлінген әлемдегі ең ірі «InnoTrans 2022» көлік технологиялары көрмесі өткізілді және ол Берлин көрме кешенінің барлық 42 залында орналасты.
«АРБЗ» ЖШС-нің жұмыс өндірісін таныстыру мақсатында көрмеде қажетті үлестірмелі, ақпараттық және бейне презентациялары бар стенд орнатылды. Атап өтейік, аталған шараға ҚР Индустрия және инфрақұрылымдық даму министрлігінің Вице-министрі М.К. Қарабаев қатысып, Кәсіпорын жұмысының оң нәтижелерін атап өтті.
Көрмені өткізу барысында «АРБЗ» ЖШС стендіне көптеген компаниялар рельстік өнімді сатып алу бойынша ұзақ мерзімді қарым-қатынастарды орнатуға тұтынушылар ретінде, сондай-ақ үздіксіз өндірісті қолдау үшін қажетті жабдықтар шығаратын фирмалардың өкілдері қызығушылық танытты.
2022 жылғы 04-07 шілде аралығында «АРБЗ» ЖШС Екатеринбург қаласындағы «Өнеркәсіптік ауысу: сын-қатерлерден жаңа мүмкіндіктерге» тақырыбына арналған ИННОПРОМ 2022 Халықаралық 12 өнеркәсіптік көрмесіне қатысты.
«ИННОПРОМ 2022» – Ресейде өткізілетін индустрияландыру саласындағы ірі көрмелердің бірі. Ағымдағы жылы Қазақстан іс-шараның әріптес елі ретінде әрекет етті және оның экспозициясы 1600 шаршы метрден астам аумақты құрады, онда өнеркәсіптің барлық салаларын білдіретін 200-ге жуық отандық компания орналасқан.
«ИННОПРОМ 2022» – нің басты құндылығы екі елдің билік және бизнес басшыларын бір алаңға жинау және жаһандық трендтердің кез келген өзгерістеріне уақытылы жауап беру болды.
Осының дәлелі ретінде Қазақстан Республикасының Премьер-Министрі – А.А. Смайыловтың, Қазақстан Республикасының Индустрия және инфрақұрылымдық даму министрілігінің Вице-министрі – М.К. Қарабаевтың және Қазақстан Республикасының Ұлттық экономика министрі – А. С. Қуантыровтың және Ресей Федерациясы Үкіметінің төрағасы М. В. Мишустиннің қатысуын атап өтуге болады.
