«Ақтөбе рельс-арқалық зауыты» ЖШС қызметкерлерінің кәсіподақ ұйымы 2017 жылы «Ақтөбе рельс-арқалық зауыты» ЖШС қызметкерлерінің жалпы Құрылтайшылық жиналысының шешімі негізінде құрылды.
Осылайша «АРБЗ» ЖШС кәсіподақ комитетінің тарихы басталды. Кәсіподақ ұйымының құрылғанына биыл 5 жыл толды және осы қысқа мерзім ішінде көп нәрсе жасалды: іс-шаралар, спартакиадалар, қайырымдылық акциялар, жазғы балалар демалысы және т.б. Алдағы уақытта одан да қызықты және ауықымды іс-шараларды ұйымдастыру жоспарлануда. Мұның бәрі Кәсіпорынның қызметкерлері үшін жасалады.
Ұжымды біріктіретін іс-шаралардың бірі – бұл спорт деген ұранмен «АРБЗ» ЖШС кәсіподақ комитеті жылына 2 рет спартакиада өткізеді. Қазақстан Республикасының Тәуелсіздік күні және Металлургтер күні – осы мерекелер қарсаңында ең үздік волейболшыларды, футболшыларды анықтау үшін спорттық жарыстар ұйымдастырылады.
Биылғы жылы спартакиада спорттың 6 түрінен өтті: футбол, волейбол, жүзу, шахмат, гір көтеру, армрестлинг. Соңғы екі спорт түрлері «Жеті қазына» демалыс базасында ашық аспан астында өтті, сол жерде біздің ұжым өзінің кәсіби мерекесін атап өткен болатын. Ең жылдам мен ең мықтыларға ақшалай сыйлықтар берілді.
2020 және 2021 жылдары спартакиада ковидтік шектеулерге байланысты өткізілмеді және осы жылы біздің спорт сүйер қауымы аталған спартакиадаға белсенді қатысты. Біз барлық спортшыларымызға іс-шараларға қатысқаны үшін алғыс айтамыз!
«АРБЗ» ЖШС өз қызметкерлерінің экономикалық, әлеуметтік, еңбек, мәдени құқықтары мен бостандықтарын жоғары бағалайды және оларды қорғауда жан-жақты ықпал етеді. Осы мақсатта «АРБЗ» ЖШС-де Кәсіподақ ұйымы құрылып, және Кәсіпорын қызметкерлерінің ұжымдық шартына жеке қол қойылды. Ұжымдық шарттың талаптарына сәйкес әрбір қызметкер неке қию, баланың туылуы, жақын адамның қайтыс болуы, мерейтойлық дата сияқты ерекше отбасылық оқиғаларға, мереке даталар мен басқа да оқиғаларға материалдық көмек алуға құқығы бар. Сондай-ақ, жыл сайынғы еңбек демалысына шыққан кезде әрбір қызметкер санаторий-курорттық емделуге және демалуға бонус түрінде 30 АЕК алады. Ұжымның мәдени-ағарту және спорттық-сауықтыру жұмыстарын жүргізуде «АРБЗ» ЖШС кәсіподақ ұйымының да атқарар үлесі зор. Жыл сайын «АРБЗ» ЖШС кәсіподақ ұйымы жылдық іс-шаралар жоспарын бекітеді. Жылдық жоспар аясында қызметкерлер бассейнге баруға, футбол, волейбол, үстел теннисі және басқа да спорт түрлерімен айналысуға мүмкіндік алады. Спорт залдарын жалға алу кәсіподақ есебінен жүргізіледі. Карантин енгізілгенге дейін жыл сайын спорттың әртүрлі түрлері бойынша спартакиадалар ұйымдастырылып, өткізіліп тұратын. «АРБЗ» ЖШС кәсіподақ ұйымы зауыттың белсенді жастарына жан-жақты қолдау көрсетеді. Зауыттың жас мамандары бірнеше рет республикалық марафондарға қатысып, үздік нәтижелер көрсетті.
Зауыт қала сыртында орналасқандықтан, жеке көлігі жоқ адамдарын демалыс күндерін қоса алғанда, таңертең және кешке зауыттың автобустарымен тасымалдау қамтамыз етіледі. Сондай-ақ, зауыт түскі және түнгі үзілістер кезінде барлық қызметкерлер бір реттік тамақтандырумен қамтамасыз етеді.
Мамандарды ынталандыру, оларды перспективті жылжыту және кадрлық резервті қамтамасыз ету үшін ай сайын біліктілік емтихандары өткізіледі, содан кейін емтихан тапсырушылар разрядтарын көтеруге немесе басқа лауазымға ауысуға құқылы. Біріншіден, бұл өндірістік бөлімшелердің мамандары үшін қарастырылған.
Айта кету керек, «АРБЗ» ЖШС кадрлық резервті қамтамасыз ету үшін жоғары оқу орындарымен бірге қызмет жасайды. Бұған дейін «Taiburyl» ҚБ қайырымдылық жобасы аясында Қарағанды мемлекеттік индустриялық университетінің техникалық мамандықтар бойынша түлектері тартылған болатын. Жобаның демеушісі ретінде Қазақстанның Даму Банкі болды, ол корпоративтік-әлеуметтік жауапкершілік шеңберінде стажировкадан өтушілерге ай сайын стипендия төлеуге 9 млн.теңге сомасында грант бөлді. Жоспар бойынша ойдағыдай стажировкадан кейін студенттердің бір бөлігі «АРБЗ» ЖШС ұжымына жұмысқа қабылданды.
2019 жылы «АРБЗ» ЖШС ҚР Еңбек және халықты әлеуметтік қорғау министрлігі өткізетін жыл сайынғы бизнестің әлеуметтік жауапкершілігі жөніндегі «Парыз» республикалық конкурсының жеңімпаздарының бірі болды. «АРБЗ» ЖШС «Үздік әлеуметтік жауапты кәсіпорын» номинациясы бойынша лауреат атанып, марапатқа ие болды.