Автор: GodAdmin

ПРЕСС-РЕЛИЗ

8-нен 11-ші қарашаға дейін Мәскеуде ХШЖК аумағында металлургиялық салада ең маңызды және ауқымды оқиғалардың бірі – 22-ші халықаралық «Металл Экспо-2016» өндірістік көрмесі өтті. Осы жылы форумға әлемнің 32 мемлекетінен 200 шетел комнанияларынан 530 компания қатысты, олар – жетекші металлургиялық компаниялар, құбыр және метиз зауыттары, түсті металлдар және қоспалардың өндірушілері, құрылысшылар, машина жасаушылар және өнеркәсіптің басқа да салаларының өкілдері. Төрт жұмыс күн ішінде көрмеге 27 мыңнан астам мамандар келді. Өткен көрменің екінші күні келген мамандардың саны бойынша рекордтық күн болды – 13 мың адам.

Метал Экспо-2016 – бұл тек имидждық құрамдас бөлік ғана емес, бұл жаңа клинттерді тартудың және қазіргі клиенттермен өзара қарым-қатынасты күшейтудің жақсы мүмкіндігі.

«АРБЗ» ЖШС компаниясы дәстүрлі түрде осы көрменің ұзын өлшемді рельстердің ірі отандық өндірушісі ретіндегі қатысушысы болып табылады. Компания үшін бұл жыл ішіндегі маңызды оқиға, оның аясында тұтынушыларға зауытты және шығаратын өнімді таныстыруға, серіктестермен кездесуге және ынтымақтастықтың болашағын талқылауға мүмкіндік бар.

Әр жолы осы көрмеге қатысып, «АРБЗ» ЖШС екі мақсатты көздейді. Біріншісі – имидж, себебі ұқсас іс-шараларда болу компанияны тұрақты дамып жатқан компания ретінде сипаттайды, бұл өте маңызды. Екінші мақсаты – мүдделі тұлғалармен, оның ішінде металл құрастырылымдарды жобалаумен және дайындаумен айналысатын ұйымдармен, салалық бірлестіктермен және одақтармен, БАҚ-мен, металлургиялық өнеркәсіп үшін жабдықтардың және технологиялардың өндірісімен және т.б. айналысатын кәсіпорындармен іскерлік келіссөздерді жүргізу.

Стенд көрмесін өткізу уақытында «АРБЗ» ЖШС 250 адам келді, олардың арасында жақын және алыс шетелдің жетекші металл сатушы компаниялардың басшылары болды.

«АРБЗ» ЖШС-нің стенді компанияның бәріне, оның ішінде өнімге деген тәсілдемені бейнеледі. Зауыттың компанияның өткізу бөлімшелерін біріктірген стендінде кәсіпорынның өкілдері 100 астам кездесулер өткізді, онда өзекті мәселелер және негізгі клиенттермен ынтымақтастықтың болашағы талқыланды.

Жұмыс барысында серіктестермен және әлеуетті клиенттермен бірқатар іскерлік кездесулер өтті, кейінгі ынтымақтастық туралы уағдаластыққа қол жеткізілді, тапсырыс берушілермен іскерлік байланыстар реттелді.

Өнеркәсіптік кәсіпорындардың және металл сатушы ұйымдардың өкілдері олардың мекенжайына зауыттың өнімін жеткізу жөніндегі нақты сұрақтарды қойды, қазіргі мәселелерді айтты. «АРБЗ» ЖШС тұтынушылардың тарапынан зауытқа деген үлкен қызығушылықты байқады, бұл елде, сол сияқты шетелде әлеуетті серіктестер санының ұлғайғанын және қазіргі тұтынушылармен қарым-қатынастың тереңдегенін, жеткізушілермен, сол сияқты бәсекелестермен пікір алмасуды сипаттайды.

Сонымен қатар көрме аясында бірқатар байқаулардың жеңімпаздары және жүлдегерлері марапатталды. Компания «Метал Экспо-2016» ұйымдастыру комитетінен өнімді және қызметтерді жылжытуды кәсіби ұйымдастырғаны үшін дипломмен марапатталды.

«Ақтөбе рельс-арқалық зауыты» ЖШС-нің

«Қазақстанның үздік тауары» өңірлік көрме-байқауына қатысуы туралы пресс-релиз

2016 жылдың 19 тамызында Ақтөбе қаласындағы «Дина» гипермаркетінің алдында «Қазақстанның үздік тауары 2016» өңірлік көрме-байқауы өтті. Ақтөбе облысының жергілікті кәсіпкерлері өздері өндіретін тауарларын «Қазақстанның үздік тауары 2016» облыстық көрме-байқауында көрсету мүмкіндігіне ие болды.

Көрме-байқауға Ақтөбе қаласының әкімі Ильяс Сапарбекұлы Испанов, облыс кәсіпорындарының басшылары, бизнес-ассоциациялардың өкілдері, кәсіпкерлер мен Ақтөбе қаласының тұрғындары қатысты.

2015 жылдан бері «Қазақстанның үздік тауары» республикалық көрме-байқауының ұйымдастырушысы «Атамекен» ҚР Ұлттық кәсіпкерлер палатасы болып табылады, өңірлік көрме-байқаулардың ұйымдастырушылары – республиканың 14 өңіріндегі және Астана мен Алматы қалаларындағы Кәсіпкерлер палаталары.

Кәсіпкерлер палатасы «Қазақстанның үздік тауары-2016» байқауын екінші жыл өткізіп келеді.

Осы байқауға «Өндірістік мақсаттағы үздік тауар» номинациясында «Ақтөбе рельс-арқалық зауыты» ЖШС-гі (әрі қарай – «АРБЗ» ЖШС) де белсенді қатысты.

 «АРБЗ» ЖШС-нен бөлек көптеген танымал кәсіпорындар өз өнімдерін  комиссия мүшелерінің назарына ұсынды, олардың ішінде «Ақтөбе мұнай жабдықтары зауыты» АҚ, «Ақтөбе өртке қарсы жабдықтар зауыты» ЖШС, «Экотон-Батыс» ЖШС, «Хим Ақтөбе» ҒӨК» ЖШС, «Пайда» ЖШС, «Технодом СТКЗ» ЖШС, «Kazizol» ЖШС, «ЭкоВторТехРесурс» ЖШС, «Ақтөбе Композитті Арматура» ЖШС, «Стар Тайм» ЖШС, «Батыс-Пластик» ЖШС, «ГлобалАрнайыкиім» ЖШС, «Фарм Ақтөбе СК» ЖШС, «Велторг-Ақтөбе» ЖШС, «West Line doors» ЖШС, «Шағыр Компаниясы» ЖШС, «Ай-Ару Ательесі» ЖШС, «СанТехТрейд» ЖШС, «Ақтөбе НАН» ЖШС, «Жаңа Әлжан диірмен комбинаты» ЖШС, «Молочные истории» ЖШС, «Құмқұдық» ЖШС, «Абылай» ШҚ, жеке кәсіпкерлер: К.О. Бакишева, А.И. Джангазиева, М.М. Дуйсенбаева, Д.Е. Рыскулова, М.А. Туякова, Ж.А. Егенбердиева, Д. Шураханов, Г.К. Есенаманов және т.б.

Сарапшылар комиссиясы үш номинация бойынша байқау дипломанттарын анықтады:

• «Өндірістік мақсаттағы үздік тауарлар»;
• «Халық тұтынатын үздік тауарлар»;
• «Үздік азық-түлік тауарлары».

«Өндірістік мақсаттағы үздік тауарлар» номинациясындағы жүлделі 3 орынды «АРБЗ» ЖШС-гі  иеленді, бұл 2016 жылдың күзінде Астана қаласында өтетін «Қазақстанның үздік тауары» көрме-байқауына қатысу құқығын береді.  

Қазақстан Республикасы Президентiнiң «Алтын сапа» Президент сыйлығын алуға арналған байқау және «Қазақстанның үздік тауары» республикалық көрме-байқауы туралы» 2006 жылдың 9 қарашасындағы №194 Жарлығына сәйкес байқау жеке және заңды тұлғалардың отандық өнімдердің сапасын арттыруға бағытталған қызметін жандандыру, Қазақстан нарығын жоғары сапалы және бәсекеге қабілетті өнімдермен толықтыруға септік ету, халық арасында сапа идеясын кеңінен тарату мақсатында өткізіледі.  

АСТАНА. ҚАЗАҚПАРАТ – «Нұр Отан» партиясы төрағасының орынбасары Мұхтар Құл-Мұхаммедтің Ақтөбе облысына қызметтік сапары аяқталды.

Осы сапардың қорытындылаушы бөлімінде облыстағы «Нұрлы жол» жобаларының және индустриялық-инновациялық бағдарламаның жүзеге асырылуы барысымен танысты деп мәлімдейді партияның баспасөз қызметі.

Атап көрсетілгендей, Ақтөбеде қыркүйек айында 320 оқушыға арналған жаңа мектеп ашылады. Бұл мектеп «Нұрлы жол» президенттік бағдарламасы аясында тұрғызылуда, оған қоса 5000 шақырым көлік жолы және 2500 шақырым болат магистральдер салынып, әлеуметтік саланы да заманауиландыру қарастырылған.

Кең ауқымды инфрақұрылымдық даму бағдарламасын жүзеге асырудың сапасы «Нұр Отан» партиясының ерекше бақылауында екенін Мұхтар Құл-Мұхаммед атап көрсетті.

«Біз әр теңгенің мақсатына сай жұмсалуын және ол халық игіліне бағытталуын жіті бақылаудамыз», – деді «Нұр Отан» партиясы төрағасының орынбасары.

«Нұрлы жол» бағдарламасы Қазақстанның индустриялық-инновациялық секторына да оңды ықпал етіп келеді. Мысал ретінде Ақтөбе қаласында салынған рельс-арқалық зауытын атауға болады. Осы зауытта шығарылатын барлық өнім жаңа темір жолдар құрылысына жұмсалады.

Кәсіпорынның директоры Андрей Кузьмин жаңа жобаның 750-ден астам адамды жұмыспен қамтығанын Мұхтар Құл-Мұхаммедке хабарлады. Осы жылы 100 мың тоннадан астам өнім шығарылады деп күтілуде. Зауыттың жобалық қуаты бұдан төрт есе артық.

Зауыт ұжымымен сұхбаттасу барысында Мұхтар Құл-Мұхаммед жаңа өнеркәсіптік алпауыт кәсіпорын өз өнімімен ішкі нарықты ғана емес, экспортқа шығаруды да межелеу қажеттігіне тоқталып өтті.

«Біздің алдымызда Еуразиялық экономикалық қауымдастық нарығы ашық тұр, біз БСҰ мүшесі болып табыламыз. Бұл біздің өндірістерге, оның ішінде Ақтөбе рельс-арқалық зауыты секілді озат зауыттарға орасан зор мүмкіндіктер беруде», – деп Мұхтар Құл-Мұхаммед сөзін қорытындылады

16 қазанда Қазақстанда елеулі оқиға орын алды: еліміздің тарихында алғаш рет Ақтөбе рельс-арқалық зауытында отандық рельс өнімінің бірінші илегі шығарылды.

Ақтөбе  рельс-арқалық зауыты Қазақстан Республикасының Президенті Нұрсұлтан НАЗАРБАЕВТЫҢ тапсырмасы бойынша салынған және ТМД елдерінде баламасы жоқ бірегей кәсіпорын.

2014 жылдың желтоқсанында мемлекет басшысының қатысуымен өткен жалпыұлттық телекөпір барысында рельс-арқалық өндірісінің бірінше кезегі іске қосылды.

Өндірістік желіні іске қосу үдерісі секілді зауыттың құрылысы да мейлінше қысқа мерзімдерде салынды және бүгінгі таңда кәсіпорын дайын өнім шығаруды бастады.

Ақтөбеде өткен салтанаттық шараға «Қазақстан Темір Жолы» ҰК» АҚ президенті Асқар МАМИН, «Siemens S.p.a» компаниясының басшысы Джузеппе ФЕРРАРИО, ҚР инвестициялар және даму министрі Асет ИСЕКЕШЕВ, Ақтөбе облысының әкімі Бердібек САПАРБАЕВ, Қырғызстан Республикасының көлік және коммуникация министрі Арғынбек МАЛАБАЕВ, «Әзірбайжан темір жолдары» ЖАҚ  төрағасы Джавид ГУРБАНОВ қатысып, сөз сөйледі.

Сонымен қатар, рельс-арқалық зауытындағы шараға Қазақстан Республикасының парламент депутаттары, ТМД және Балтия елдерінің теміржол әкімшіліктерінің басшылары қатысты.

«Қазақстан Темір Жолы» ҰК» АҚ-ның президенті Аскар Мамин «мемлекет басшысының тапсырмасы бойынша индустрияландыру бағдарламасының аясында, мейлінше қысқа мерзімдерде Қазақстанда теміржол машинажасауының жаңа саласы қалыптасты. General Electric, Alstom, Talgo және Siemens секілді әлемдік жетекші компанияларымен ынтымақтастықта жүк және жолаушылар тепловоздарын, электровоздарын, вагондарды, ірі вагон құймаларын, инфрақұрылымның техникалық құралдарын шығаратын жаңа зауыттар құрылды.

Одан бөлек, Асқар Мамин «алғашқы отандық рельс өнімін шығару – Қазақстанның индустриялық дамуындағы елеулі оқиға» деп атап көрсетті.

Зауыттың жобалық қуаты жылына 430 мың тонна металл өнімі. Ең алдымен бұл ұзындығы 120 м болатын Р65 маркалы термоберіктелген рельстер. Сонымен бірге 230 мың тонна илек шығару жоспарланған, олар – балкалар, бұрыштықтар және швеллерлер. Бұл еліміздің ғана емес, көршілес елдердің де рельс-арқалық өніміне сұранысын қанағаттандырады.

Сол күні зауытта Дөңгелек үстел ұйымдастырылды, оның қатысушылары Қазақстандағы теміржол машина жасау саласын дамыту мәселелерін талқылап, халықаралық серіктестік перспективаларын талдады.

Пікір алмасу барысында қазақстандық теміржол өнімдерін шығарушы зауыттар – «Тұлпар Тальго», электровоз жинау зауытының (ЭЖЗ), локомотивжинау зауытының (ЛЖЗ) және «Қазақстан даму банкі» АҚ-ның экспорттық құралдарды қолдау туралы презентациялары көрсетілді.

Дөңгелек үстел қатысушылары Еуразиялық аймақтың теміржол өнімдерін өндірушілер мен қаржылық институттар арасындағы сұхбатты табысты және нәтижелі өтті деген тұжырымға келді.

Шараға қатысушылар Қазақстан даму банкі (КДБ) іске асыратын қазақстандық экспортты қолдау бағдарламасымен танысуына мүмкіндік болды.

ҚБД Басқармасының төрағасы Болат Жәмішевтің айтуынша «банк рельс-арқалық зауытын бірлесіп қаржыландыруға үлесін қосты және өнімін шетелдік тұтынушыларға жабдықтау үшін кеңейту ісінде барынша қаржылық қолдау көрсетуге даяр» екендігін жеткізді.

Дөңгелек үстел шеңберінде Ақтөбе рельс-арқалық зауыты мен Әзірбайжан, Беларусь, Грузия, Өзбекстан, Тәжікстан және Қырғызстан теміржол әкімшіктері арасында дайын өніммен жабдықтау туралы меморандумдарға қол қойылды.