2016 жылдың қаңтар айынан бастап Ақтөбе рельс-арқалық зауыты (Қазақстан) 55 мың тоннаға жуық рельс өнімін шығарды. Жыл аяғына дейін жабдықтау көлемі 73 мың тоннаға жетеді, оның шамамен 5 мың тоннасы – «Өзбекстан темір жолдары» үшін.
Атап айтқанда ақтөбелік рельстерді бүгінгі таңда Құрық порты арқылы паромдық өткел құрылысында және Астана қаласының жаңа теміржол вокзалының құрылысында белсенді пайдалануда. «Қазақстан темір жолдары» пресс-қызметінің ақпараты бойынша ұлттық компанияның басшысы Канат Алпысбаев Алматы-1 – Шу учаскесінде қосалқы жолдар құрылысы үшін де зауыт өнімін уақытылы жеткізудің маңызы зор екенін атап өтті.
Естеріңізге сала кетсек, Ақтөбе рельс-арқалық зауыты Кеден Одағының «Темір жол инфрақұрылымының қауіпсіздігі туралы» Техникалық регламенті талаптарына сәйкестігі туралы сертификат алды және енді өз өнімін ЕАЭЫ елдеріне де экспорттай алады.
Автор: Степан Ратников
http://www.rzd-partner.ru сайтының ақпараты қолданылды.